• ...

      المزيد
    • اشعر بالسواد بحيط بى من كل جهة .. ما هذا الحزن اذى حولى وكأن الدنيا قد انتهت عند هذا الحد... نعم للأسف انهارت حياتى .. سرقت الدنيا منى شبابى فأنا يا سيدتى فتاة (اقصد ارملة) فى العشرين من عمرى زوجنى والدى لرجل فى مثل سنه تقريباً صديق عمره..زوجنى به لأنه الوحيد الذى يثق فيه بعد أن ا ...

      المزيد
    • أظهر استطلاع للرأي، أجري في ألمانيا: أنه رغم أن ألعاب الفيديو والتسلية الإلكترونية أخذت مكانًا مهمًا في الحياة اليومية، لاسيما عند الأطفال، وأن غزو التسلية الإلكترونية لحياتنا اليومية لم يقلل من شغف الأطفال في ألمانيا بالقراءة.وتشير الدراسة التي شملت آراء أكثر من 5500 من الأ ...

      المزيد
    • العديد منا يمتلك العديد من العادات السلبية يفعلها بعد تناول وجبته الأساسية هذه العادات تضر بالصحه ويجب اجتنابها او تبديلها بعادات صحية سليمة في هذا المقال نبرز لكم أبرز 5 أخطاء لا تفعلها بعد تناول وجبتك الأساسية.1 – شرب الشايأغلبنا يعتبر كوب الشاي جزء من الوجبة و فور انتها ...

      المزيد
    • ...

      المزيد
    • المسيحية دين سماوي:الارهابيين حرقوا كنايسهم فجروا كنايسهم قتلوا مسيحين وكهنة الكنيسة وعدم السماح لهم بإقامة صلواتهِم فى بعض الكنايس ، والدِعاء عليهم بالميكروفونات، وازدراء دينِهِم ، ووصفهِم بالكافرين ، والتحريض عليهِم بالكراهية !! ..  رغم كل هذا واكثر لم ولن يخرج رج ...

      المزيد
    • تهلل لساني اعظم الهي فوق الكل عالي نزل من علاه يصلح حالي عاش بينا انسان كله حنان واله كامل السلطان يشفي المستعصى بسلطان الغفران يقول للميت قوم يقوم في ثوان كتير كتير امنوا بيه علشان شافوا فيه المعلم الصالحومفيش من يضاهيه يفتح القلوب ي ...

      المزيد
    • الغضب هو طاقةٌ سلبيّة تنتج عندما يتعرّض الانسانُ لموقفٍ ما يسببّ له الضيق أو الانزعاج ، سواءٌ كانَ هذا الموقف سببه شخصٌ ما ، أو كانَ بسببِ ظرفٍ معيّن ، وعندها تختلف ردود الناس تبَعاً لأنماطهم الشخصيّة وتبعاً لقدرتهم على تفادي الغضب أو انفاذ هذا الغضب. والغضب يتمَ تشبيهه ب ...

      المزيد
    • علم النفس وتطوير الذات الإنسان كائن اجتماعي بطبعه، فهو لا يستطيع أن يعيش بشكل انفرادي، فأساس الحياة يقوم على احتكاك الناس ببعضهم البعض، والتعايش في سبيل تلبية الاحتياجات الإنسانيّة الأساسيّة من خلال عمليّة التفاعل الاجتماعي ما بين البشر، ويتعرّض الأفراد لمواقف اجتماعيّة ...

      المزيد
    • الــ“مارشميلو” هو حلوى جافة إسفنجية مُلوَّنة بألوان زاهية مُغرية بجاذبية لا تُقاوم، للصغير والكبير. وعلى مَرِّ خمسين عامًا مضت ارتبط اسمها باختبار قوة العزيمة وصلابة الإرادة. إنَّ اختبار المارشمالو يعنى اختبار ضبط النفس. ففي عام ١٩٦٠ أجرى “د. والتر ميشيل” - عالم ...

      المزيد
    • نبـيٌّ عظيم قِسم من الناس آمنوا بالمسيح كنبي عظيم: " فَأَخَذَ الْجَمِيعَ خَوْفٌ، وَمَجَّدُوا اللهَ قَائِلِينَ: قَدْ قَامَ فِينَا نَبِيٌّ عَظِيمٌ، وَافْتَقَدَ اللهُ شَعْبَهُ " كتاب سيدنا عسى بحسب ما دونه الحواري لوقا فصل 7 أية 16 هذه الكلمات التي قالها الناس في قرية نايي ...

      المزيد
    • قد تنجح في لفت انتباه فتاة ما، أو تقوم بخطبة فتاة أحلامك، ولكن هذه ليست إلا البداية فقط، ولكي تحافظ على الفتاة التي لديك، عليك أن تحافظ على إعجابها بك ولهذا نرصد لك أهم خمسة أشياء قد تبعد الفتاة عنك1- قلة الثقة بالنفس:-  ثقتك بنفسك هي أهم ما تمتلكه في حياتك، قد تشاهد أحيانا بع ...

      المزيد
    • لسان حال كل امرأة طموحة: "أفتقد لرجل يفرح لنجاحى ويشجعنى ويساندنى ولا يتعامل معى كالخادمة ولا يحملنى أثقالاً، لا ليعجزنى، أحتاج لهذا الرجل بشدة لينقذنى من أشباه الرجال الأنانيين المرضى الذى يعنى غيابهم لنا الراحة والشفاء النفسى والجسدى، ارحلوا عنا، فحتمًا سنكون أفضل". ...

      المزيد
    • • لو حد قالك أنه بيحبك بس مواقفه مش بتقول كده هتصدقه؟؟من أكثر الجمُل اللي بنسمعها أن الحب أفعال مش كلام، والمواقف بتبين اللي بيحب من اللي بيمثل أنه بيحب، الكلام ده منطقي بنسبة كبيرة...موقف عملي:-لو حد طول الوقت بيعبرلك عن مشاعره وفي وقت الأزمة، لو تعبت مثلًا ملقتوش جنبك وأتح ...

      المزيد
    • يميل معظم الناس إلى إرضاء الآخر، وخاصة الحبيب قبل القيام بما يرضيهم. فيجدون صعوبةً في التعبير عن رغباتهم الخاصّة. ليس التصرّف بأنانيّة أحيانًا أمراً سيّئاً، بل إنّها فرصة لتكتشف ماذا تريد في الحياة وتبني قراراتك وطريقة حياتك مع الشريك على هذا الأساس. فماذا عليك أن تفعل، أو ت ...

      المزيد
مش عارفة الله خلقنى ليه

مش عارفة الله خلقنى ليه

حياتى سلسلة من العذاب والمعاناة.. أنا مش عارفة الله خلقنى ليه.. وحطنى فى بيت زى دة ليه، أب وأم مهلمش دعوة بالموضوع دة خالص .. عيشة مؤرفة وأولاد كتير فى البيت مش لاقيه حتى اللقمة الحاف لكن مش مهم ... المهم العزوة والعيال الكتير وبعدين فى داهية بعد كدة. 
انا يا سيدتى من اطفال الشوارع كما تسمينا الموضة الأيام دى، أنا هربت من البيت وانا عندى 10 سنين واتعرضت لكل الوان المصايب اللى ممكن تتخليليها واللى مش ممكن تتخيليها .. كنت بنام تحت الكبرى فى عز البرد من غير غطا يستر جسمى واقوم عيانة ملقاش اسبرينة أخدها علشان اخف.. 
قابلت ناس قاسين كتيرمفيش فى قلبها رحمة .. اضربت كتير من ناس عايزنى اغلط وافرط فى شرفى كنت كل يوم اهرب من مكان لمكان ... آكل من الزبالة وأدور على هدوم قديمة مقطعة البسها ... ورغم كل دة محاولتش ارجع البيت لنه ملوش لزمة وكمان كانوا حيموتونى لو رجعت. 
قابلت واحد صعبت عليه وحاول يغلط معايا لكن انا رفضت .. ما هو مبقاش عندى حاجة احافظ عليها إلا شرفى.. طلب يتجوزنى ... طرت من الفرحة واتجوزنى بورقة عرفى ... وخدنى فى بيت من أوضة وصالة فى حى شعبى لكن كنت فى منتهى السعادة واخيراً فيه اربع حيطان يسترونى وراجل يهتم بى..
وحآكل لقمة نظيفة مش من الزبالة ... استمرت سعادى دى اسبوع واحد بس، ولقيت جوزى اتغير خالص وبقى بيعاملنى وحش ويقولى هو انا حاصرف عليكى منين لازم تساعدينى يا أما تمشى من وشى وترجعى للشارع اللى جبتك منه.. 
وبدأ يجيب رجالة فى البيت ويسهر للصبح ويشرب ويسكر ويجبرنى أنام مع الرجالة دى مقابل لقمتى وقعادى فى البيت وبيقفل علىّ بالمفتاح علشان ما اهربش، ولما ارفض أو حتى اعترض يضربنى بالحزام لغاية ما يقطع لحمى وبعدين يجيب لى الراجل اللى عايزه ويقبض الثمن.. 
انا خلاص مش عايزة اعيش، انا نفسى اموت بس خايفة انتحر احسن ربنا يودينى جهنم.. عايزة يعرفى أنا كتبت لك إزاى .. أنا لقيت جارة قدى كدة بتكلمنى من شباك المطبخ وتواسينى وقلت لها على حالى قالتلى قولى اللى انت عايزاه وانا حابعت لموقع اعرفه وهم حيردوا عليكى تعملى إيه وأنا بعد كدة حوصلك اللى قالوه.. وانا صدقتها لانى غرقانة ونفسى اتعلق بأى قشة تنقذنى من العذاب دة ... وقليلى اعملايه.. انا حتى مش عارفة اهرب ولا عارفة اموت ولا عارفة اعمل أى حاجة خالص... ليه الله سايبنى اتعذب كدة وفيه بنات تانى راكبة عربيات وعندها كل حاجة وبتسافر وبتآكل احسن اكل وبتلبس احسن لبس.. هو فيه ناس قدرها وحش وناس قسملها الله قدر كويس .. وليه مكنتش انا واحدة من دول؟؟؟ 
ابنتى العزيزة.. كم اشفقت عليكِ مما مررتى به منذ طفولتك .. انا لا اعرف سنك الآن ولكنى اقول لك أن برغم كل شئ فالأمل موجود فى النجاة مادام الله موجود وقد أخطأت حين تركتى بيت ابيك وذهبت إلى الشارع ولم يكن أبداً الهروب من المشكلات ولن يكون أبداً هو الحل .. واشكر الله انك تعلمين جيداً أن الانتحار اشر الآثام لأنه لا يمكن إذا ارتكبتيه أن تعودى وتستغفرى ربك وتتوبى عنه. وانك من المؤكد تعلمين أنك إذا انتحرتى فستلاقين عذاباً اشد واقسى بما لا يقاس مما تعانين منه الآن، فهو عذاب بلا نهاية. 
لقد لمست من قصتك مدى صبرك ومحاولت كإرضاء الله رغم كل الظروف الصعبة اللى بتواجه لكن فى ألاخر رضختى للغلط غصب عنك
حاولى بكل الطرق الخروج من هذا المنزل الموبوء.. يمكن لك أن تأخذى نسخة من المفتاح بمساعدة جارتك وتعيدى المفتاح مرة أخرى لمكانه وتنتهزى فرصة خروج زوجك وترحلى من هذا البيت.. 
ابحثى عن اسرتك ابنتى العزيزة وعودى إليها فهى ارحم من كل شئ واعتقد أنك توافقينى الآن بعد ما تعرضتى له. 
فيه موضوع تانى مهم عايزة اصحح لك فكرتك عنه وهو ان الله هو اللى عمل كل اللى انت فيه دلوقتى ودة مش حقيقى، فالله وان كانت كل حاجة تتم بسماح منه لكنه مش مسئول عن المأساة اللى انت عايشاها واللى بتحصل نتيجة غلط مننا او غلط من الناس اللى حوالينا وزى ما اهلك أخطأوا بالخلفة الكتير رغم انهم معدين انت كمان اخطأتى بالهرب من البيت وكان نتيجته كل اللى حصل ليك وبيحصل لغاية دلوقتى. 
عايزاكى تفهمنى كويس أن الله مكانش عايز السارق يسرق ولا القاتل يقتل وانا الزانى يزنى لكنه بيحترم إرادة الإنسان علشان كدة مش ممكن يغصبه على حاجة لكن هو بيقوله الصح فين والغلط وبعدين الإنسان هو اللى بيختار وانت اخترتى ودلوقتى بتتحملى نتيجة غلطك... لكن الله حط طريق النجاة للإنسان اللى بيعرف غلطه ويستغفر ربه ويطلب معونته وانا متأكدة ان الله هيساعدك علشان تسيبى البيت دة لن الراجل اللى اتجوزك بورقة عرفى كان عنده هدف ووصل له وهو انه يتاجر بجسمك مش اكتر ولا اقل ... سامحه الله. 
عزيزتى .. ربما تقولى انا مش ممكن ارجع بيت اهلى تانى عايزة اقولك .. المهم سيبى البيت، وفيه ملاجئ كتير للأيتام والعجزة وخلافه ممكن تقبلك.. 
ثقى فى نفسك وانك هتقدرى تغيرى حياتك وراسلينا والله سيعيننا ويعينك على تخطى هذه الظروف والبدء من جديد حياة كريمة وشريفة بإذن الله 
اهدئى بنتى وارفعى عينيك إلى الله العلى ساكن السماء وادعيه ليقف بجانبك ويحررك من هذا البيت ويوجد لك بيت آمن. 

التالي
تابع التصفح
السابق