• ...

      المزيد
    • اشعر بالسواد بحيط بى من كل جهة .. ما هذا الحزن اذى حولى وكأن الدنيا قد انتهت عند هذا الحد... نعم للأسف انهارت حياتى .. سرقت الدنيا منى شبابى فأنا يا سيدتى فتاة (اقصد ارملة) فى العشرين من عمرى زوجنى والدى لرجل فى مثل سنه تقريباً صديق عمره..زوجنى به لأنه الوحيد الذى يثق فيه بعد أن ا ...

      المزيد
    • أظهر استطلاع للرأي، أجري في ألمانيا: أنه رغم أن ألعاب الفيديو والتسلية الإلكترونية أخذت مكانًا مهمًا في الحياة اليومية، لاسيما عند الأطفال، وأن غزو التسلية الإلكترونية لحياتنا اليومية لم يقلل من شغف الأطفال في ألمانيا بالقراءة.وتشير الدراسة التي شملت آراء أكثر من 5500 من الأ ...

      المزيد
    • العديد منا يمتلك العديد من العادات السلبية يفعلها بعد تناول وجبته الأساسية هذه العادات تضر بالصحه ويجب اجتنابها او تبديلها بعادات صحية سليمة في هذا المقال نبرز لكم أبرز 5 أخطاء لا تفعلها بعد تناول وجبتك الأساسية.1 – شرب الشايأغلبنا يعتبر كوب الشاي جزء من الوجبة و فور انتها ...

      المزيد
    • ...

      المزيد
    • المسيحية دين سماوي:الارهابيين حرقوا كنايسهم فجروا كنايسهم قتلوا مسيحين وكهنة الكنيسة وعدم السماح لهم بإقامة صلواتهِم فى بعض الكنايس ، والدِعاء عليهم بالميكروفونات، وازدراء دينِهِم ، ووصفهِم بالكافرين ، والتحريض عليهِم بالكراهية !! ..  رغم كل هذا واكثر لم ولن يخرج رج ...

      المزيد
    • تهلل لساني اعظم الهي فوق الكل عالي نزل من علاه يصلح حالي عاش بينا انسان كله حنان واله كامل السلطان يشفي المستعصى بسلطان الغفران يقول للميت قوم يقوم في ثوان كتير كتير امنوا بيه علشان شافوا فيه المعلم الصالحومفيش من يضاهيه يفتح القلوب ي ...

      المزيد
    • الغضب هو طاقةٌ سلبيّة تنتج عندما يتعرّض الانسانُ لموقفٍ ما يسببّ له الضيق أو الانزعاج ، سواءٌ كانَ هذا الموقف سببه شخصٌ ما ، أو كانَ بسببِ ظرفٍ معيّن ، وعندها تختلف ردود الناس تبَعاً لأنماطهم الشخصيّة وتبعاً لقدرتهم على تفادي الغضب أو انفاذ هذا الغضب. والغضب يتمَ تشبيهه ب ...

      المزيد
    • علم النفس وتطوير الذات الإنسان كائن اجتماعي بطبعه، فهو لا يستطيع أن يعيش بشكل انفرادي، فأساس الحياة يقوم على احتكاك الناس ببعضهم البعض، والتعايش في سبيل تلبية الاحتياجات الإنسانيّة الأساسيّة من خلال عمليّة التفاعل الاجتماعي ما بين البشر، ويتعرّض الأفراد لمواقف اجتماعيّة ...

      المزيد
    • الــ“مارشميلو” هو حلوى جافة إسفنجية مُلوَّنة بألوان زاهية مُغرية بجاذبية لا تُقاوم، للصغير والكبير. وعلى مَرِّ خمسين عامًا مضت ارتبط اسمها باختبار قوة العزيمة وصلابة الإرادة. إنَّ اختبار المارشمالو يعنى اختبار ضبط النفس. ففي عام ١٩٦٠ أجرى “د. والتر ميشيل” - عالم ...

      المزيد
    • نبـيٌّ عظيم قِسم من الناس آمنوا بالمسيح كنبي عظيم: " فَأَخَذَ الْجَمِيعَ خَوْفٌ، وَمَجَّدُوا اللهَ قَائِلِينَ: قَدْ قَامَ فِينَا نَبِيٌّ عَظِيمٌ، وَافْتَقَدَ اللهُ شَعْبَهُ " كتاب سيدنا عسى بحسب ما دونه الحواري لوقا فصل 7 أية 16 هذه الكلمات التي قالها الناس في قرية نايي ...

      المزيد
    • قد تنجح في لفت انتباه فتاة ما، أو تقوم بخطبة فتاة أحلامك، ولكن هذه ليست إلا البداية فقط، ولكي تحافظ على الفتاة التي لديك، عليك أن تحافظ على إعجابها بك ولهذا نرصد لك أهم خمسة أشياء قد تبعد الفتاة عنك1- قلة الثقة بالنفس:-  ثقتك بنفسك هي أهم ما تمتلكه في حياتك، قد تشاهد أحيانا بع ...

      المزيد
    • لسان حال كل امرأة طموحة: "أفتقد لرجل يفرح لنجاحى ويشجعنى ويساندنى ولا يتعامل معى كالخادمة ولا يحملنى أثقالاً، لا ليعجزنى، أحتاج لهذا الرجل بشدة لينقذنى من أشباه الرجال الأنانيين المرضى الذى يعنى غيابهم لنا الراحة والشفاء النفسى والجسدى، ارحلوا عنا، فحتمًا سنكون أفضل". ...

      المزيد
    • • لو حد قالك أنه بيحبك بس مواقفه مش بتقول كده هتصدقه؟؟من أكثر الجمُل اللي بنسمعها أن الحب أفعال مش كلام، والمواقف بتبين اللي بيحب من اللي بيمثل أنه بيحب، الكلام ده منطقي بنسبة كبيرة...موقف عملي:-لو حد طول الوقت بيعبرلك عن مشاعره وفي وقت الأزمة، لو تعبت مثلًا ملقتوش جنبك وأتح ...

      المزيد
    • يميل معظم الناس إلى إرضاء الآخر، وخاصة الحبيب قبل القيام بما يرضيهم. فيجدون صعوبةً في التعبير عن رغباتهم الخاصّة. ليس التصرّف بأنانيّة أحيانًا أمراً سيّئاً، بل إنّها فرصة لتكتشف ماذا تريد في الحياة وتبني قراراتك وطريقة حياتك مع الشريك على هذا الأساس. فماذا عليك أن تفعل، أو ت ...

      المزيد
خايفة من الجواز

خايفة من الجواز


كل البنات بتقول إنها خايفة م الجواز.
 
أي حد طوالي بيفكر إنه خوف من ليلة الدخلة. بس الموضوع مش كده خالص.
البنت حتى لو هتتجوز عن حب، ممكن أوي تكون رفضت جوازات كتير وكبرت ف السن عشان مقررة إن لازم تتجوز عن حب، ولازم حد متفاهمة معاه، ولازم تفكر مليون مرة قبل ما تاخد القرار، ولازم ولازم، أصل الفشل ف الجواز مش أزمة بسيطة.
 
ترفض كتير وتفكر كتير وتدرس كتير لحد ما تقابل فارسها اللي يبدد جواها مخاوف ويجاوب على تساؤلات تخليها تقدم على خطوة الخطوبة بقلب جامد. بس بعد شوية بتلاقي إنها برضو خايفة، واللي حواليها بيكبّروا جواها شعور الخوف لأنهم بيكبتوها بكلام من نوعية "إنتي عاوزة إيه تاني؟ مش إنتي اللي اختارتيه واتمسكتي بيه؟ بطلي دلع". فتبتدي تألف أسباب تبرر بيها خوفها.
 
أصل كل الحب والتفكير والتمحيص قبل الارتباط ملوش دعوة بأي خوف م الجواز، الحب والارتباط والخطوبة دي حاجة، والخوف م الجواز حاجة تانية خالص، الخوف م الجواز واقع ملوش صلة بطريقة الجواز.. جواز عن حب، جواز صالونات، جواز قرايب.. الخوف بيبقى م الحياة مع شخص آخر بيشاركك البيت والحمام والأفكار وسماعة التليفون والأصدقاء والكتب والمزيكا والشغل والصلاة والزهق والضحك... بيشاركك الحياة.
الخُطّاب مهما كانوا عارفين بعض من فترة وعاشوا مواقف كتير تخليهم فاهمين بعض كويس، برضو معرفتهم مهما زادت وقويت هيفضل محاوطها إطار اتنين مخطوبين.
معاشوش مع بعض 24 ساعة/ 7 أيام/ 12 شهر... العمر اللي جاي كله.
البنت بتبقى خايفة من أول المرتبة اللي ممكن متقدرش تتأقلم معاها وميجلهاش نوم عليها، لحد جوزها اللي ممكن يتحول فجأة ويطلع مستذأب ولو سابته ف مرة ينام زعلان يقوم ف نص الليل ياكلها.
خايفة عليه
خايفة أكلها ميعجبوش.. آينعم ف فترة الخطوبة بتبقى طبختله كذا مرة بس برضو إزاي هتطبخ كل يوم أكلة مختلفة وحاجات أول مرة تعملها!
خايفة ف يوم تبقى مرهقة ونايمة مبهدلة وشعرها يتنكش يبقى شكلها عجيب قدامه وهو اللي حالق كل يوم وبياخد شاور كل شوية.
خايفة من مفاجئته أما يعرف إنها بتشخر وهي نايمة.
خايفة يعرف إنها كانت بتحب هشام سليم وهي صغيرة وكان نفسها تتجوزه.
خايفة منه
خايفة تزعل منه فمتعرفش تشرحله فيستسهل أكاذيب الناس عن إن كل الستات نكدية ومجنونة.
خايفة يخش ف خلاف مع حد عزيز عليها أو يكره صاحبتها الأنتيم.
خايفة يوم ورا التاني وشهر ورا التاني كل ما المسؤوليات تزيد حبه ليها يقل.
خايفة يوم ما تمل وتزهق من غير أسباب ميستوعبش بكاها ويسيبها تعدي الزعل لوحدها.
خايفة من نفسها
خايفة تتحول للست اللي عاوزة تحافظ على بيتها بس بشرط إن أجزاء من روحها بتتكسر كل فترة وتقدمها تمن للاستمرار.
 
طب ف الخطوبة لو زعلوا شوية بيعرفوا يفصلوا حبة، تروح تشرب فنجان قهوة وترغي شوية مع واحدة صاحبتها، وتتكلم شويتين مع نفسها فتشوف تفاصيل المشكلة أكتر ويرجعوا يتكلموا ويحلوا ويتراضوا.. طب أما ف بيت واحد لو زعلوا.. هيروحوا م الزعل فين؟! هتبقى نكدية وزنانة؟ ولا تتكيف مع شخصيته أيًا كانت.
طب لو ف مرة خرج عن شعوره وجرحها هتطلق؟ أومال هتعمل معاه إيه؟ طب مش ممكن هي اللي تخرج عن شعورها؟ هيسامحها؟
 
لو حبت تخرج تقضي يوم مع صحابها هتعرف ولا هتفضل طول اليوم مع تأنيب الضمير إنه هيتغدا إيه؟ طب هيزهق م القعدة لوحده؟ طب هو مبسوط إني خارجة وهينفرد بروحه ويتفسح هو كمان ولا متضايق عشان الشوارع وحشة وهيفضل قلقان طول اليوم لحد أما ترجع؟ طب هو القلق ده هيخلي يومه شكله إيه؟
طب هو أصلًا فيه أوبشن تعرف تقضي يوم مع صحابها برة ولا هتبقى زي كل البنات اللي اتجوزوا وانقرضوا بعدها، وإذا قابلوا صحابهم كل سنة مرة بيبقى ف البيت؟
 
خايفة تطلع مش أد المسؤولية وتلاقي نفسها بتخلق شماعات تعلق عليها فشلها.
 
خايفة تكتشف ضعفها لما حد منهم يقع ف مشكلة وتطلع حيطة مايلة.
 
خايفة تتكسف تخش الحمام، خايفة يطلع جمالها المتداري مش على ذوقه، خايفة متعرفش تدبر مصروف البيت وهي اللي طول الوقت بتتهمه بالتبذير.
 خايفة من حاجات خارجة عننا.
 
خايفة تجيب أطفال ويعيشوا ف الجو الخانق ده وتضطر تحرمهم من حاجات كتير عشان يعرفوا يعيشوا ف المجتمع ده بأمان.
 
خايفة الرهبة من نفوس البشر تخلي كل حد فيهم يحبس التاني عن العالم ويخنقه.
 
خايفة تجيب تليفزيون وخايفة متجبش.. خايفة تجيب نيش وخايفة متجبش.. خايفة تتصاحب على زمايله البنات وخايفة ترفضهم.. خايفة تهتم بشغلها أوي وخايفة تهمله.. خايفة تخلف وخايفة متخلفش وخايفة تأجل الموضوع وخايفة تسيبه للظروف.. خايفة من أهله.. خايفة من أهلها.. خايفة من خروجه الكتير.. خايفة من قعدته ف البيت.
 
خايفة تكتشف إن التوازن والأمور الوسط دي أسطورة.
خايفة من كل حاجة وأي حاجة.
 
بس عارفة؟
ارجعي هدّي نفسك بالتفكير ف حاجة م الحاجات الحلوة اللي بينكم عشان تطمني ع اللي جاي، وحطي قدامك القاعدة الذهبية اللي ممكن تخلصي بيها من كل المواقف "اللي عاوز يعمل حاجة بيعملها"، وإحنا عايزين نعيش مبسوطين.

فكري إن أكيد الرجالة كمان عندهم مخاوف كتير وسمعوا إشاعات كتير عن جنان الستات، وعاوزين برضو اللي يطمنهم.
كل ما تجيلك حالات الفوبيا قاوميها بإنك تقعدي تفتكري إن كل حد فيكم دخل حياة التاني عشان يلاقي السكن والرحمة والمودة.
 
ودايماً فكري نفسك وفكري شريك حياتك ان الله خلقكما لتكملوا بعضكم بعض وليس ليقيض احدكما الاخر او يتسلط احدكما علي الاخر ودائما تذكروا كلام المولي في كتب الاوليين كتاب التكوين فصل 2 ايه 18 ( 18 وَقَالَ اللهُ: "لَيْسَ حَسَنًا أَنْ يَكُونَ الإِنْسَانُ وَحِيْدًا. سَأَصْنَعُ لَهُ مُعِينًا مُنَاسِبًا لَهُ.")

التالي
تابع التصفح
السابق